dil ko ab tujhse juda ho kar bhi jina aa gaya

dil ko ab tujh se judā ho kar bhī jiinā aa gayā

is jharoke meñ havā kā taaza jhoñkā aa gayā

in añdheroñ meñ pahuñch paanā bahut dushvār thā

maiñ tirī āvāz par palkeñ jhapaktā aa gayā

ehtirāman uñgliyoñ se hoñT giile kar liye

jab mirī dahlīz pe ḳhud bah ke dariyā aa gayā

is jahāñ meñ mere jaisā koī bad-qismat bhī hai

jis ne jo kuchh bhī utārā mujh ko puurā aa gayā

vo to kahtā thā ki tum se achchhe sau mil jā.eñge

aaj use is haal meñ dekhā to ronā aa gayā

mārne vaalā thā apne aap ko us roz maiñ

phir mirī āñkhoñ ke aage us kā chehra aa gayā

dil ko ab tujh se juda ho kar bhi jina aa gaya

is jharoke mein hawa ka taza jhonka aa gaya

in andheron mein pahunch pana bahut dushwar tha

main teri aawaz par palken jhapakta aa gaya

ehtiraman ungliyon se honT gile kar liye

jab meri dahliz pe KHud bah ke dariya aa gaya

is jahan mein mere jaisa koi bad-qismat bhi hai

jis ne jo kuchh bhi utara mujh ko pura aa gaya

wo to kahta tha ki tum se achchhe sau mil jaenge

aaj use is haal mein dekha to rona aa gaya

marne wala tha apne aap ko us roz main

phir meri aankhon ke aage us ka chehra aa gaya