dil ko husn-e-gham-e-jaanan se farozan kar den

dil ko husn-e-ġham-e-jānāñ se farozāñ kar deñ

kufr meñ rang bhareñ aisā ki īmāñ kar deñ

ye haqīqat hai ki zid par agar aa jaa.eñ to ham

apnī sūrat se tirī shakl numāyāñ kar deñ

jaane vaale ba-ḳhushī jaa.eñ magar arz ye hai

chalte chalte mire jiine ke bhī sāmāñ kar deñ

inkishāfāt-e-mohabbat meñ rahe kyoñ uljhan

laao shīrāza-e-hastī ko pareshāñ kar deñ

phir mire haal pe sarkār tabassum farmā.eñ

phir mire dil ko zarā barq-badāmāñ kar deñ

kyoñ kisī aur kā mamnūn-e-karam ho 'maḳhmūr'

aap ne dard diyā aap hī darmāñ kar deñ

dil ko husn-e-gham-e-jaanan se farozan kar den

kufr mein rang bharen aisa ki iman kar den

ye haqiqat hai ki zid par agar aa jaen to hum

apni surat se teri shakl numayan kar den

jaane wale ba-KHushi jaen magar arz ye hai

chalte chalte mere jine ke bhi saman kar den

inkishafat-e-mohabbat mein rahe kyon uljhan

lao shiraaza-e-hasti ko pareshan kar den

phir mere haal pe sarkar tabassum farmaen

phir mere dil ko zara barq-badaman kar den

kyon kisi aur ka mamnun-e-karam ho 'maKHmur'

aap ne dard diya aap hi darman kar den