دل کو پہلے لہو لہو کرنا
دل کو پہلے لہو لہو کرنا
پھر کسی کی تم آرزو کرنا
ہے خزاں آشنا حیات اپنی
کیا تمنائے رنگ و بو کرنا
منزلیں اپنے زیر پا ہوں گی
ہے مگر شرط جستجو کرنا
پہلے دل کو بنا لے آئینہ
بات پھر مجھ سے روبرو کرنا
ان کی آنکھوں کو خوب آتا ہے
بے نیاز خم و سبو کرنا
تاکہ حاصل ہو لذت آزار
کوئی سازش مرے عدو کرنا
یہ کمال سخن ہے اے نادمؔ
بے زبانوں سے گفتگو کرنا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
