dil ko phir banane mein waqt chahiye kuchh to

dil ko phir banāne meñ vaqt chāhiye kuchh to

kirchiyāñ uThāne meñ vaqt chāhiye kuchh to

saath vo nahīñ pal kā umr bhar kā lagtā thā

us ko ab bhulāne meñ vaqt chāhiye kuchh to

is qadar nahīñ āsāñ jitnā ham ne samjhā thā

hāl-e-dil sunāne meñ vaqt chāhiye kuchh to

tinkā tinkā chun chun kar ham ne jo banāyā thā

āshiyāñ jalāne meñ vaqt chāhiye kuchh to

aañkh kā samundar se kuchh ajiib rishta hai

sail-e-ġham bahāne meñ vaqt chāhiye kuchh to

dard-e-dil baḌhāne ko ek lamha kaafī hai

dard-e-dil ghaTāne meñ vaqt chāhiye kuchh to

phir palaT ke jaane kī ham na rakheñ ḳhvāhish bhī

kashtiyāñ jalāne meñ vaqt chāhiye kuchh to

zaḳhm jo purāne haiñ un ko ham rafū kar leñ

phir fareb khāne meñ vaqt chāhiye kuchh to

jab vajūd kā rishta had pe maut kī pahuñche

paar us ke jaane meñ vaqt chāhiye kuchh to

dil ko phir banane mein waqt chahiye kuchh to

kirchiyan uThane mein waqt chahiye kuchh to

sath wo nahin pal ka umr bhar ka lagta tha

us ko ab bhulane mein waqt chahiye kuchh to

is qadar nahin aasan jitna hum ne samjha tha

haal-e-dil sunane mein waqt chahiye kuchh to

tinka tinka chun chun kar hum ne jo banaya tha

aashiyan jalane mein waqt chahiye kuchh to

aankh ka samundar se kuchh ajib rishta hai

sail-e-gham bahane mein waqt chahiye kuchh to

dard-e-dil baDhane ko ek lamha kafi hai

dard-e-dil ghaTane mein waqt chahiye kuchh to

phir palaT ke jaane ki hum na rakhen KHwahish bhi

kashtiyan jalane mein waqt chahiye kuchh to

zaKHm jo purane hain un ko hum rafu kar len

phir fareb khane mein waqt chahiye kuchh to

jab wajud ka rishta had pe maut ki pahunche

par us ke jaane mein waqt chahiye kuchh to