dil ko rah-e-hayat mein uljha raha hun main

dil ko rah-e-hayāt meñ uljhā rahā huuñ maiñ

kaise bhī apne-āp ko bahlā rahā huuñ maiñ

rakh kar ke thoḌī duur kināre pe ye badan

dariyā ke saath saath bahā jā rahā huuñ maiñ

khiḌkī pe ek baar to aa jā ki dekh luuñ

jaanā tumhāre shahr se ab jā rahā huuñ maiñ

matlab yahī huā ki mirā bhī vajūd hai

us ā.īna meñ saaf nazar aa rahā huuñ maiñ

area paḌā huā huuñ maiñ gard-e-zamīn par

miTTī meñ tire lams ko dafnā rahā huuñ maiñ

chāhā thā tujh ko paañv meñ qismat se jiit kar

qismat se mil ga.e ho so Thukrā rahā huuñ maiñ

dil ko rah-e-hayat mein uljha raha hun main

kaise bhi apne-ap ko bahla raha hun main

rakh kar ke thoDi dur kinare pe ye badan

dariya ke sath sath baha ja raha hun main

khiDki pe ek bar to aa ja ki dekh lun

jaana tumhaare shahr se ab ja raha hun main

matlab yahi hua ki mera bhi wajud hai

us aaina mein saf nazar aa raha hun main

area paDa hua hun main gard-e-zamin par

miTTi mein tere lams ko dafna raha hun main

chaha tha tujh ko panw mein qismat se jit kar

qismat se mil gae ho so Thukra raha hun main