dil ko taza malal kaise ho

dil ko taaza malāl kaise ho

ġham se rishta bahāl kaise ho

is se pahle ki vo na pahchāne

kar diyā hai savāl kaise ho

ham-safar tū nahīñ to duniyā meñ

gardish-e-māh-o-sāl kaise ho

yaad ḳhud hī banī ho nashtar jab

zaḳhm kā indimāl kaise ho

aap kā jab gila nahīñ miTtā

phir ta.alluq bahāl kaise ho

hañs ke tum guftugū nahīñ karte

phir suḳhan meñ kamāl kaise ho

'mīr'-o-'ġhālib' haiñ pāsbāñ us ke

phir ġhazal ko zavāl kaise ho

dil ko taza malal kaise ho

gham se rishta bahaal kaise ho

is se pahle ki wo na pahchane

kar diya hai sawal kaise ho

ham-safar tu nahin to duniya mein

gardish-e-mah-o-sal kaise ho

yaad KHud hi bani ho nashtar jab

zaKHm ka indimal kaise ho

aap ka jab gila nahin miTta

phir talluq bahaal kaise ho

hans ke tum guftugu nahin karte

phir suKHan mein kamal kaise ho

'mir'-o-'ghaalib' hain pasban us ke

phir ghazal ko zawal kaise ho