دل کو تازہ ملال کیسے ہو
غم سے رشتہ بحال کیسے ہو
اس سے پہلے کہ وہ نہ پہچانے
کر دیا ہے سوال کیسے ہو
ہم سفر تو نہیں تو دنیا میں
گردش ماہ و سال کیسے ہو
یاد خود ہی بنی ہو نشتر جب
زخم کا اندمال کیسے ہو
آپ کا جب گلہ نہیں مٹتا
پھر تعلق بحال کیسے ہو
ہنس کے تم گفتگو نہیں کرتے
پھر سخن میں کمال کیسے ہو
میرؔ و غالبؔ ہیں پاسباں اس کے
پھر غزل کو زوال کیسے ہو
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
