dil ko tere dhiyan mein rakkha

dil ko tere dhiyān meñ rakkhā

shor suune makān meñ rakkhā

har taraf aa.ine bichhā.e aur

ek chehra jahān meñ rakkhā

ek aañsū chhupāyā muTThī meñ

ik samundar makān meñ rakkhā

ik mohabbat jagā.ī siine meñ

aag ko ḳhāk-dān meñ rakkhā

jaan rakkhī tumhārī chaukhaT par

dil ko terī amaan meñ rakkhā

dhuup phailī huī thī āñkhoñ meñ

ḳhvāb ko sā.ebān meñ rakkhā

paañv kī be-sabāt vahshat ko

gardish-e-āsmān meñ rakkhā

ḳhaak hone talak mire dil ne

mujh ko vahm-o-gumān meñ rakkhā

dil ko tere dhiyan mein rakkha

shor sune makan mein rakkha

har taraf aaine bichhae aur

ek chehra jahan mein rakkha

ek aansu chhupaya muTThi mein

ek samundar makan mein rakkha

ek mohabbat jagai sine mein

aag ko KHak-dan mein rakkha

jaan rakkhi tumhaari chaukhaT par

dil ko teri aman mein rakkha

dhup phaili hui thi aankhon mein

KHwab ko saeban mein rakkha

panw ki be-sabaat wahshat ko

gardish-e-asman mein rakkha

KHak hone talak mere dil ne

mujh ko wahm-o-guman mein rakkha