dil ko yaksui ne di tark-e-talluq ki salah

dil ko yaksūī ne dī tark-e-ta.alluq kī salāh

ai umīd-e-vasl-e-jānāñ kyā hai ab terī salāh

jab jafā-jū ne taġhāful se bhī kī qat-e-nazar

ho razā-e-yār par shākir ye hai dil kī salāh

hosh meñ jalva dikhāne se agar hai us ko aar

hai vidā-e-hosh kī har haal meñ apnī salāh

naqd-e-jāñ dildār kartā hai talab maiñ kyā karūñ

bandagī bechārgī par ab to hai merī salāh

manzil-e-ishq-o-fanā karnī hai tai sar-tā-ba-sar

sham.a ke mānind jal bujhne kī hai merī salāh

saaf kahtā hai ki tū nekī kar aur dariyā meñ Daal

dil mirā detā hai mujh ko aaj nekī kī salāh

be tamannā.ī meñ 'sāhir' maiñ huuñ har-dam mere saath

duur kar dil se tamannā hai ye jānāñ kī salāh

dil ko yaksui ne di tark-e-talluq ki salah

ai umid-e-wasl-e-jaanan kya hai ab teri salah

jab jafa-ju ne taghaful se bhi ki qat-e-nazar

ho raza-e-yar par shakir ye hai dil ki salah

hosh mein jalwa dikhane se agar hai us ko aar

hai wida-e-hosh ki har haal mein apni salah

naqd-e-jaan dildar karta hai talab main kya karun

bandagi bechaargi par ab to hai meri salah

manzil-e-ishq-o-fana karni hai tai sar-ta-ba-sar

shama ke manind jal bujhne ki hai meri salah

saf kahta hai ki tu neki kar aur dariya mein Dal

dil mera deta hai mujh ko aaj neki ki salah

be tamannai mein 'sahir' main hun har-dam mere sath

dur kar dil se tamanna hai ye jaanan ki salah