dil kun dildar ke niyaz kare

dil kuuñ dildār ke niyāz kare

tan kuuñ ārām-o-sukh suuñ baaz kare

hue tab rāg-e-ishq suuñ āgāh

rag-e-jāñ jab ki tār-e-sāz kare

is suḳhan kā ajab hai afsāna

jo sune us kuuñ ahl-e-rāz kare

said karne ke ta.iiñ kabūtar-e-ishq

tā.ir-e-dil misāl-e-bāz kare

harf-e-haq par agar hai dil sābit

misl-e-mansūr sar niyāz kare

āshiqāñ kuuñ niyāz hai lāzim

nāznīñ gar adā suuñ naaz kare

sho.ala-e-ishq us pe hue raushan

sham.a saañ dil kuuñ jo gudāz kare

pahuñchne ilm kuuñ haqīqat ke

sair az nusḳha-e-majāz kare

koī us sarv-qad kuuñ jā bolo

dars dikhlā ke sarfarāz kare

khol kar zulf-e-ambarīñ yak-bār

rishta-e-shauq kuuñ darāz kare

jo paḌhe tere sher kuuñ 'dā.ūd'

āḳhirash dil kuuñ ishq-bāz kare

dil kun dildar ke niyaz kare

tan kun aaram-o-sukh sun baz kare

hue tab rag-e-ishq sun aagah

rag-e-jaan jab ki tar-e-saz kare

is suKHan ka ajab hai afsana

jo sune us kun ahl-e-raaz kare

said karne ke tain kabutar-e-ishq

tair-e-dil misal-e-baz kare

harf-e-haq par agar hai dil sabit

misl-e-mansur sar niyaz kare

aashiqan kun niyaz hai lazim

naznin gar ada sun naz kare

shoala-e-ishq us pe hue raushan

shama san dil kun jo gudaz kare

pahunchne ilm kun haqiqat ke

sair az nusKHa-e-majaz kare

koi us sarw-qad kun ja bolo

dars dikhla ke sarfaraaz kare

khol kar zulf-e-ambarin yak-bar

rishta-e-shauq kun daraaz kare

jo paDhe tere sher kun 'daud'

aaKHirash dil kun ishq-baz kare