dil kya kisi ki baat se andar se kaT gaya

dil kyā kisī kī baat se andar se kaT gayā

titlī kā rābta kyuuñ gul-e-tar se kaT gayā

do-chār gaam kā hī safar rah gayā thā bas

is vaqt merā qāfila rahbar se kaT gayā

mausam ke sard-o-garm kā jal par asar na thā

vo sañg-dil bhī sher-e-suḳhnavar se kaT gayā

saf meñ muḳhālifoñ kī maiñ samjhā thā ġhair haiñ

dekhā jo apne logoñ ko andar se kaT gayā

ḳhairāt ḳhuub kartā hai jab log saath hoñ

tanhā hai vo abhī to gadāgar se kaT gayā

jab tak uruuj thā to zamāne meñ dhuum thī

juuñ hī zavāl aayā vo manzar se kaT gayā

dil kya kisi ki baat se andar se kaT gaya

titli ka rabta kyun gul-e-tar se kaT gaya

do-chaar gam ka hi safar rah gaya tha bas

is waqt mera qafila rahbar se kaT gaya

mausam ke sard-o-garm ka jal par asar na tha

wo sang-dil bhi sher-e-suKHnawar se kaT gaya

saf mein muKHalifon ki main samjha tha ghair hain

dekha jo apne logon ko andar se kaT gaya

KHairaat KHub karta hai jab log sath hon

tanha hai wo abhi to gadagar se kaT gaya

jab tak uruj tha to zamane mein dhum thi

jun hi zawal aaya wo manzar se kaT gaya