dil laga baiTha hun us ayyar se

dil lagā baiThā huuñ us ayyār se

jis ko nafrat hai vafā se pyaar se

dekhiye ham kis qadar haiñ be-niyāz

kuchh na māñgā husn kī sarkār se

ai nigāh-e-nāz terā shukriya

mutma.in hai dil tirī guftār se

kis liye huuñ zindagī se bad-gumāñ

kaash vo pūchhe kisī din pyaar se

zindagī bhī ham se hai bezār sī

zindagī se ham bhī haiñ bezār se

har bashar ke vāste hai lāzmī

kaam le shīrīnī-e-guftār se

aap kī ḳhātir hue barbād ham

aap bhī haiñ ham se kuchh bezār se

dostī un se nibhegī kis tarah

maiñ huuñ dīvāna to vo hoshiyār se

ġhair to phir ġhair haiñ 'āsī' magar

aap bhī kuchh kam nahīñ aġhyār se

dil laga baiTha hun us ayyar se

jis ko nafrat hai wafa se pyar se

dekhiye hum kis qadar hain be-niyaz

kuchh na manga husn ki sarkar se

ai nigah-e-naz tera shukriya

mutmain hai dil teri guftar se

kis liye hun zindagi se bad-guman

kash wo puchhe kisi din pyar se

zindagi bhi hum se hai bezar si

zindagi se hum bhi hain bezar se

har bashar ke waste hai lazmi

kaam le shirini-e-guftar se

aap ki KHatir hue barbaad hum

aap bhi hain hum se kuchh bezar se

dosti un se nibhegi kis tarah

main hun diwana to wo hoshiyar se

ghair to phir ghair hain 'asi' magar

aap bhi kuchh kam nahin aghyar se