dil lagaya hai to nafrat bhi nahin kar sakte
dil lagāyā hai to nafrat bhī nahīñ kar sakte
ab tire shahr se hijrat bhī nahīñ kar sakte
āḳhrī vaqt meñ jiine kā sahārā hai yahī
terī yādoñ se baġhāvat bhī nahīñ kar sakte
jhuuT bole to jahāñ ne hameñ fankārī kahā
ab to sach kahne kī himmat bhī nahīñ kar sakte
is na.e daur ne māñ-bāp kā haq chhīn liyā
apne bachchoñ ko nasīhat bhī nahīñ kar sakte
ham ujāloñ ke payambar to nahīñ haiñ lekin
kyā charāġhoñ kī hifāzat bhī nahīñ kar sakte
qadr insān kī ghaT ghaT ke yahāñ tak pahuñchī
ab to qīmat meñ ri.āyat bhī nahīñ kar sakte
fan kī tāzīm meñ mar jāoge bhūke 'dānā'
tum to ġhazloñ kī tijārat bhī nahīñ kar sakte
dil lagaya hai to nafrat bhi nahin kar sakte
ab tere shahr se hijrat bhi nahin kar sakte
aaKHri waqt mein jine ka sahaara hai yahi
teri yaadon se baghawat bhi nahin kar sakte
jhuT bole to jahan ne hamein fankari kaha
ab to sach kahne ki himmat bhi nahin kar sakte
is nae daur ne man-bap ka haq chhin liya
apne bachchon ko nasihat bhi nahin kar sakte
hum ujalon ke payambar to nahin hain lekin
kya charaghon ki hifazat bhi nahin kar sakte
qadr insan ki ghaT ghaT ke yahan tak pahunchi
ab to qimat mein riayat bhi nahin kar sakte
fan ki tazim mein mar jaoge bhuke 'dana'
tum to ghazlon ki tijarat bhi nahin kar sakte
- Book : Fanoos (Pg. 62)
- Author : Abbas Dana
- Publication : Shahid Book Depot Stedum Road Noor Nagar Rakhyal Ahmdabad (1993)
- Edition : 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
