dil le ke hamara phirta hai ye kaun watira tera hai

dil le ke hamārā phirtā hai ye kaun vatīra terā hai

kartā hai chhichhorī bāteñ kyuuñ har baat meñ terā merā hai

tum chehra apnā dikhlā do kuchh rāh-e-ḳhalāsī batlā do

ik zulf kā saudā sar meñ hai ik kaalī balā ne gherā hai

is aane kī kyā mujh ko ḳhushī pābandī is meñ kaahe kī

bhūle se idhar bhī aa nikle ik jogī kā sā pherā hai

ham aap haiñ ek balā-e-bad kyā ham se karegā koī kad

aġhyār kareñ ham se kāvish muñh ham ko saarā terā hai

ham jaan se apnī jaate haiñ par dil se ye jaatā hī nahīñ

is ishq kā hove burā 'anjum' kyā is ne Daalā Derā hai

dil le ke hamara phirta hai ye kaun watira tera hai

karta hai chhichhori baaten kyun har baat mein tera mera hai

tum chehra apna dikhla do kuchh rah-e-KHalasi batla do

ek zulf ka sauda sar mein hai ek kali bala ne ghera hai

is aane ki kya mujh ko KHushi pabandi is mein kahe ki

bhule se idhar bhi aa nikle ek jogi ka sa phera hai

hum aap hain ek bala-e-bad kya hum se karega koi kad

aghyar karen hum se kawish munh hum ko sara tera hai

hum jaan se apni jate hain par dil se ye jata hi nahin

is ishq ka howe bura 'anjum' kya is ne Dala Dera hai