dil mahalle mein koi phul lagaya hua hai

dil mahalle meñ koī phuul lagāyā huā hai

jis kī ḳhushbū se mo'attar mirā saaya huā hai

haa.e vo ḳhvāb ki jis kī koī tā'bīr na thī

maiñ ne vo ḳhvāb bhī āñkhoñ meñ basāyā huā hai

jis ne luuTā hai mujhe raat kī tārīkī meñ

maiñ ne us shaḳhs ko hāthoñ pe uThāyā huā hai

jis ko bhūle hue muddat huī aur yaad nahīñ

aaj vo 'aks bhī tasvīr meñ aayā huā hai

dekh le ġhaur se hairat bharī nazroñ se 'nadīm'

terī tasvīr ko siine se lagāyā huā hai

dil mahalle mein koi phul lagaya hua hai

jis ki KHushbu se mo'attar mera saya hua hai

hae wo KHwab ki jis ki koi ta'bir na thi

main ne wo KHwab bhi aankhon mein basaya hua hai

jis ne luTa hai mujhe raat ki tariki mein

main ne us shaKHs ko hathon pe uThaya hua hai

jis ko bhule hue muddat hui aur yaad nahin

aaj wo 'aks bhi taswir mein aaya hua hai

dekh le ghaur se hairat bhari nazron se 'nadim'

teri taswir ko sine se lagaya hua hai