dil mein agar na ishq-o-mohabbat ki chah ho

dil meñ agar na ishq-o-mohabbat kī chaah ho

naala na dard ho na fuġhāñ ho na aah ho

rusvā na e.atibār-e-taġhāful ko kījiye

kyā fā.eda ki pursish-e-dil gaah gaah ho

dushman se pūchhtā huuñ nishān-e-harīm-e-nāz

merī tarah se koī na gum-karda-rāh ho

rāh-e-junūñ meñ mujh ko kisī se nahīñ hai kaam

bas maiñ huuñ aur ik dil-e-shorish-panāh ho

kar ab tū fikr husn-e-amal kuuch hai qarīb

rasta kaThin hai saath meñ kuchh zād-e-rāh ho

tauhīn-e-shān afv hai isyāñ se ijtināb

ya.anī gunāhgār hai jo be-gunāh ho

duniyā meñ aise logoñ se paalā paḌe na 'shauq'

zāhir ho jin kā saaf to bātin siyāh ho

dil mein agar na ishq-o-mohabbat ki chah ho

nala na dard ho na fughan ho na aah ho

ruswa na eatibar-e-taghaful ko kijiye

kya faeda ki pursish-e-dil gah gah ho

dushman se puchhta hun nishan-e-harim-e-naz

meri tarah se koi na gum-karda-rah ho

rah-e-junun mein mujh ko kisi se nahin hai kaam

bas main hun aur ek dil-e-shorish-panah ho

kar ab tu fikr husn-e-amal kuch hai qarib

rasta kaThin hai sath mein kuchh zad-e-rah ho

tauhin-e-shan afw hai isyan se ijtinab

yani gunahgar hai jo be-gunah ho

duniya mein aise logon se pala paDe na 'shauq'

zahir ho jin ka saf to baatin siyah ho