دل میں بھر کر سوز یہ عشق و وحشت کی بیماری کا

دل میں بھر کر سوز یہ عشق و وحشت کی بیماری کا

جسم دیا ہے تو نے مجھ کو ایک نرا سنساری کا

یا رب تیری عزت رکھنے کو ہم اب تک زندہ ہیں

ورنہ ہم کو شوق نہیں ہے کوری دنیا داری کا

یہ بھی تو ہو سکتا ہے اک لمبی نیند میں ہوں ہم تم

موت جسے کہتے ہیں شاید عالم ہو بیداری کا

سارے اپنے اپنے من کی شکل بتا کر لڑتے ہیں

تو ہی بتا اب کیا مطلب ہے ایسی پردہ داری کا

جیسے تو نے لوگ بنائے لوگوں کو انسان بنا

تب جا کر ہم لوہا مانیں گے تیری فن کاری کا