dil mein bhar kar soz ye ishq-o-wahshat ki bimari ka

dil meñ bhar kar soz ye ishq-o-vahshat kī bīmārī kā

jism diyā hai tū ne mujh ko ek nirā sansārī kā

yā-rab terī izzat rakhne ko ham ab tak zinda haiñ

varna ham ko shauq nahīñ hai korī duniyā-dārī kā

ye bhī to ho saktā hai ik lambī niiñd meñ hoñ ham tum

maut jise kahte haiñ shāyad aalam ho bedārī kā

saare apne apne man kī shakl batā kar laḌte haiñ

tū hī batā ab kyā matlab hai aisī parda-dārī kā

jaise tū ne log banā.e logoñ ko insān banā

tab jā kar ham lohā māneñge terī fankārī kā

dil mein bhar kar soz ye ishq-o-wahshat ki bimari ka

jism diya hai tu ne mujh ko ek nira sansari ka

ya-rab teri izzat rakhne ko hum ab tak zinda hain

warna hum ko shauq nahin hai kori duniya-dari ka

ye bhi to ho sakta hai ek lambi nind mein hon hum tum

maut jise kahte hain shayad aalam ho bedari ka

sare apne apne man ki shakl bata kar laDte hain

tu hi bata ab kya matlab hai aisi parda-dari ka

jaise tu ne log banae logon ko insan bana

tab ja kar hum loha manenge teri fankari ka