dil mein har ek aarzu ghuT ghuT ke mar gai

dil meñ har ek aarzū ghuT ghuT ke mar ga.ī

umr-e-ravāñ guzarne ko āḳhir guzar ga.ī

ai chāñd taaro aap ne dekhā hai kyā use

merī ḳhushī abhī abhī jaane kidhar ga.ī

shām-e-ġham-e-firāq thī aur aap kā ḳhayāl

phir yuuñ huā ki aañkh tamanna kī bhar ga.ī

mahfil meñ khul ga.ī jo mirī daf.atan zabāñ

sunte hī kitne chehroñ kī rangat utar ga.ī

bigḌā mirā nasīb to kyoñ ġham karūñ bhalā

ye bhī to kam nahīñ tirī qismat sañvar ga.ī

sāda-mizājiyāñ haiñ achambhe meñ aaj tak

fitna-garoñ kī chaal baḌā kaam kar ga.ī

hosh-o-havās uḌ ga.e āñkheñ khulī rahīñ

logoñ kī jab nigāh tire baam par ga.ī

dil mein har ek aarzu ghuT ghuT ke mar gai

umr-e-rawan guzarne ko aaKHir guzar gai

ai chand taro aap ne dekha hai kya use

meri KHushi abhi abhi jaane kidhar gai

sham-e-gham-e-firaq thi aur aap ka KHayal

phir yun hua ki aankh tamanna ki bhar gai

mahfil mein khul gai jo meri dafatan zaban

sunte hi kitne chehron ki rangat utar gai

bigDa mera nasib to kyon gham karun bhala

ye bhi to kam nahin teri qismat sanwar gai

sada-mizajiyan hain achambhe mein aaj tak

fitna-garon ki chaal baDa kaam kar gai

hosh-o-hawas uD gae aankhen khuli rahin

logon ki jab nigah tere baam par gai