dil mein hazar umangon ke daftar liye hue

dil meñ hazār umangoñ ke daftar liye hue

kuuze meñ aadmī hai samundar liye hue

sīm-o-zar-o-javāhir-o-gauhar liye hue

ahl-e-havas pahāḌ haiñ sar par liye hue

dīvār-o-dar hai jis meñ na saa.e kā naam hai

ham phir rahe haiñ dasht meñ vo ghar liye hue

is daur ke javānoñ ko kyā dars dījiye

aksar haiñ āstīnoñ meñ ḳhanjar liye hue

ik phuul maiñ ne pheñkā thā us kī taraf jo kal

ab vo hai merī taak meñ patthar liye hue

dil mein hazar umangon ke daftar liye hue

kuze mein aadmi hai samundar liye hue

sim-o-zar-o-jawahir-o-gauhar liye hue

ahl-e-hawas pahaD hain sar par liye hue

diwar-o-dar hai jis mein na sae ka nam hai

hum phir rahe hain dasht mein wo ghar liye hue

is daur ke jawanon ko kya dars dijiye

aksar hain aastinon mein KHanjar liye hue

ek phul main ne phenka tha us ki taraf jo kal

ab wo hai meri tak mein patthar liye hue