dil mein ho gar KHwahish-e-taswir-e-ibrat dekhna

dil meñ ho gar ḳhvāhish-e-tasvīr-e-ibrat dekhnā

ḳhush-nasībī bāñTne vāloñ kī qismat dekhnā

dostoñ aur dushmanoñ ke darmiyāñ rah kar to dekh

tujh ko aa jā.egā farq-e-nūr-o-zulmat dekhnā

kyā qayāmat se Dareñ ham log to vo haiñ jinheñ

paḌ rahā hai roz hī roz-e-qayāmat dekhnā

muflisī ke din haiñ aur barsāt kī aamad kā shor

mashġhalā sā ban gayā TuuTī huī chhat dekhnā

aise mauqoñ par jab aa.eñ zindagī meñ mushkileñ

jin kī jānib dekhnā ho bhuul kar mat dekhnā

ai 'sa.ādat' jo nasīhat karte ho auroñ ko tum

is nasīhat ko kabhī apnī bhī bābat dekhnā

dil mein ho gar KHwahish-e-taswir-e-ibrat dekhna

KHush-nasibi banTne walon ki qismat dekhna

doston aur dushmanon ke darmiyan rah kar to dekh

tujh ko aa jaega farq-e-nur-o-zulmat dekhna

kya qayamat se Daren hum log to wo hain jinhen

paD raha hai roz hi roz-e-qayamat dekhna

muflisi ke din hain aur barsat ki aamad ka shor

mashghala sa ban gaya TuTi hui chhat dekhna

aise mauqon par jab aaen zindagi mein mushkilen

jin ki jaanib dekhna ho bhul kar mat dekhna

ai 'saadat' jo nasihat karte ho auron ko tum

is nasihat ko kabhi apni bhi babat dekhna