dil mein ek dagh hai sawalon ka

dil meñ ik daaġh hai savāloñ kā

be-ḳhudī raqs hai niDhāloñ kā

ham siyāh raat keī asīrī haiñ

shauq rakhte haiñ vo ujāloñ kā

vo yatīmoñ ke muñh ko nā pahuñche

jaane phir kyā huā nivāloñ kā

koī ab haal tak na pūchhe hai

ham-nashīñ aur ham-piyāloñ kā

be-ḳhudī bijliyāñ qalam-kārī

kyā kaheñ aur un ke bāloñ kā

ishq meñ kuchh ḳhabar nahīñ saaqī

kyā kiyā ham ne māh-o-sāloñ kā

ghar basā kar ke ab bhī rakhā hai

tere aane ke in ḳhayāloñ kā

sab se kah do 'murād' apnā hai

be-basoñ aur tañg-hāloñ kā

dil mein ek dagh hai sawalon ka

be-KHudi raqs hai niDhaalon ka

hum siyah raat kei asiri hain

shauq rakhte hain wo ujalon ka

wo yatimon ke munh ko na pahunche

jaane phir kya hua niwalon ka

koi ab haal tak na puchhe hai

ham-nashin aur ham-piyalon ka

be-KHudi bijliyan qalam-kari

kya kahen aur un ke baalon ka

ishq mein kuchh KHabar nahin saqi

kya kiya hum ne mah-o-salon ka

ghar basa kar ke ab bhi rakha hai

tere aane ke in KHayalon ka

sab se kah do 'murad' apna hai

be-bason aur tang-haalon ka