dil mein ek shor macha ho jaise

dil meñ ik shor machā ho jaise

dard phir chīḳh rahā ho jaise

terī furqat meñ ye mahsūs kiyā

jism se ruuh judā ho jaise

in havāoñ meñ ghuTan hai aisī

phuul ḳhushbū se ḳhafā ho jaise

yuuñ mujhe yaad kiyā hai us ne

sang par phuul khilā ho jaise

so gayā shahr magar ḳhvāb mirā

niiñd ko DhūñD rahā ho jaise

dard yuuñ ruuh kī taskīn huā

zaḳhm khāne meñ mazā ho jaise

us kī tanqīd ke lahje kī miThās

zahr meñ shahd ghulā ho jaise

jaam piitā hai ġhazal ke 'shādāb'

shā.erī koī nasha ho jaise

dil mein ek shor macha ho jaise

dard phir chiKH raha ho jaise

teri furqat mein ye mahsus kiya

jism se ruh juda ho jaise

in hawaon mein ghuTan hai aisi

phul KHushbu se KHafa ho jaise

yun mujhe yaad kiya hai us ne

sang par phul khila ho jaise

so gaya shahr magar KHwab mera

nind ko DhunD raha ho jaise

dard yun ruh ki taskin hua

zaKHm khane mein maza ho jaise

us ki tanqid ke lahje ki miThas

zahr mein shahd ghula ho jaise

jam pita hai ghazal ke 'shadab'

shaeri koi nasha ho jaise