dil mein jo baat hai wo baat bataun kaise

dil meñ jo baat hai vo baat batā.ūñ kaise

dil ke jazbāt sunā.ūñ to sunā.ūñ kaise

dil ke TukḌe hue is tarh ke ā.īna ho

dil ke TukḌoñ ko ginā.ūñ to ginā.ūñ kaise

mujh se rūThā hai mirā rab mirī kartūtoñ se

apne mālik ko manā.ūñ to manā.ūñ kaise

un ke chehre pe jo bal hai to sabab maiñ hī huuñ

un ke ruḳhsār pe muskān ko lā.ūñ kaise

'āshiqoñ se ye guzārish hai mujhe sikhlā do

un ke aane pe maiñ palkoñ ko bichhā.ūñ kaise

dil kī dhaḌkan nahīñ ruktī ye pareshānī hai

koī kah do ke maiñ is dil ko sulā.ūñ kaise

un kā dar band hai mujh par jo kabhī jā.ūñ to

vo bulāte hī nahīñ mujh ko to jā.ūñ kaise

maiñ ne sau baar kahā un se ki dāman chhoḌo

vo na chhoḌeñ to maiñ dāman ko chhuḌā.ūñ kaise

zaḳhm dil ke to chhupāne se nahīñ chhupte haiñ

dard-e-dil tum se chhupā.ūñ to chhupā.ūñ kaise

maiñ ne chāhā mirī hastī ko miTānā lekin

jo fanā ho na sake us ko miTā.ūñ kaise

vo ye kahte haiñ jhukā ġhair ke aage sar ko

apnā sar ġhair ke aage maiñ jhukā.ūñ kaise

bhūlne par bhī jo har baar mujhe yaad aa.e

qalb-e-‘mahfūz’ se vo naam bhulā.ūñ kaise

dil mein jo baat hai wo baat bataun kaise

dil ke jazbaat sunaun to sunaun kaise

dil ke TukDe hue is tarh ke aaina ho

dil ke TukDon ko ginaun to ginaun kaise

mujh se ruTha hai mera rab meri kartuton se

apne malik ko manaun to manaun kaise

un ke chehre pe jo bal hai to sabab main hi hun

un ke ruKHsar pe muskan ko laun kaise

'ashiqon se ye guzarish hai mujhe sikhla do

un ke aane pe main palkon ko bichhaun kaise

dil ki dhaDkan nahin rukti ye pareshani hai

koi kah do ke main is dil ko sulaun kaise

un ka dar band hai mujh par jo kabhi jaun to

wo bulate hi nahin mujh ko to jaun kaise

main ne sau bar kaha un se ki daman chhoDo

wo na chhoDen to main daman ko chhuDaun kaise

zaKHm dil ke to chhupane se nahin chhupte hain

dard-e-dil tum se chhupaun to chhupaun kaise

main ne chaha meri hasti ko miTana lekin

jo fana ho na sake us ko miTaun kaise

wo ye kahte hain jhuka ghair ke aage sar ko

apna sar ghair ke aage main jhukaun kaise

bhulne par bhi jo har bar mujhe yaad aae

qalb-e-‘mahfuz’ se wo nam bhulaun kaise