دل میں جو تھا وہ ہو گیا مجھ کو سنا کے چپ

دل میں جو تھا وہ ہو گیا مجھ کو سنا کے چپ

سن کر ہوا ہوں اس کو میں آنسو بہا کے چپ

کہتا تھا اپنا حال میں تم کو سناؤں گا

نہ جانے کیوں وہ ہو گیا آنسو بہا کے چپ

میں نے تو بے وفائی کا چھیڑا تھا تذکرہ

منہ پہ لگا کے انگلی پھر اس نے کہا کہ چپ

اس کی کسی بھی بات کا مطلب بھی کچھ نہیں

ہو جائے گا وہ دیکھنا خود بڑبڑا کے چپ

خاموشیوں کی سسکیوں میں شور تھا بہت

تنہائیوں میں ہو گیا وہ گنگنا کے چپ

کچھ دن سے اپنے آپ سے تھا میں دکھی بہت

ارشادؔ رو کے ہو گیا خود کو ہنسا کے چپ