dil mein kuchh soz-e-tamanna ke nishan milte hain
dil meñ kuchh soz-e-tamannā ke nishāñ milte haiñ
is añdhere meñ ujāle ke samāñ milte haiñ
aaj bhī rañg-e-bayābāñ ke tapish-zāroñ meñ
laḌkhaḌāte hue qadmoñ ke nishāñ milte haiñ
haañ isī manzil-e-sa-kaif-o-tarab kī jānib
qāfile aaj bhī āshiq ke ravāñ milte haiñ
ai gire ham-safro is ko to manzil na kaho
āñdhiyāñ uThtī haiñ tūfān yahāñ milte haiñ
un ke har va.ada-e-altāf kī rañgīnī meñ
kitne nā-dīda sitam-hā-e-girāñ milte haiñ
us kī mahfil meñ vo bahke hue sīmīñ naġhmeñ
ab to kuchh din se ba-andāz-e-fuġhāñ milte haiñ
yuuñ gavāra hai ye ḳhūñ-bār ufuq kā manzar
is ke partav meñ hameñ taaza jahāñ milte haiñ
dil mein kuchh soz-e-tamanna ke nishan milte hain
is andhere mein ujale ke saman milte hain
aaj bhi rang-e-bayaban ke tapish-zaron mein
laDkhaDate hue qadmon ke nishan milte hain
han isi manzil-e-sa-kaif-o-tarab ki jaanib
qafile aaj bhi aashiq ke rawan milte hain
ai gire ham-safro is ko to manzil na kaho
aandhiyan uThti hain tufan yahan milte hain
un ke har wada-e-altaf ki rangini mein
kitne na-dida sitam-ha-e-giran milte hain
us ki mahfil mein wo bahke hue simin naghmen
ab to kuchh din se ba-andaz-e-fughan milte hain
yun gawara hai ye KHun-bar ufuq ka manzar
is ke partaw mein hamein taza jahan milte hain
- Book : urdu kii chunii hu.ii gazale.n (Pg. 67)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
