dil mein kyun-kar samawen dagh bahut

dil meñ kyūñ-kar samāveñ daaġh bahut

ek qindīl aur charāġh bahut

qaid-e-hastī hī tak ḳharābī hai

mar ga.e bas jahāñ farāġh bahut

dil-e-pur-dāġh kī sī sair kahāñ

ye musallam jahāñ meñ baaġh bahut

kyā bahār aa.ī bāġhbāñ gul kī

in dinoñ hai tujhe dimāġh bahut

dil-e-gum-gashta kā nishān kahāñ

le chuke aah ham surāġh bahut

rashk-e-gul kyā milā koī 'fidvī'

tujh ko dekhūñ huuñ bāġh-bāġh bahut

dil mein kyun-kar samawen dagh bahut

ek qindil aur charagh bahut

qaid-e-hasti hi tak KHarabi hai

mar gae bas jahan faragh bahut

dil-e-pur-dagh ki si sair kahan

ye musallam jahan mein bagh bahut

kya bahaar aai baghban gul ki

in dinon hai tujhe dimagh bahut

dil-e-gum-gashta ka nishan kahan

le chuke aah hum suragh bahut

rashk-e-gul kya mila koi 'fidwi'

tujh ko dekhun hun bagh-bagh bahut