دل میں پیدا ہوئی بلا کی خلش
دل میں پیدا ہوئی بلا کی خلش
اف ترے ناوک ادا کی خلش
کچھ دل درد آشنا کی خلش
کچھ ترے ناوک جفا کی خلش
دونوں باتیں جو ہو گئیں باہم
دل میں پیدا ہوئی بلا کی خلش
موت نے دل کو اک سکوں بخشا
مدتوں تک رہی دوا کی خلش
دل میں ناسور پڑ گئے لاکھوں
آہ یہ آہ نارسا کی خلش
خنجر و تیر سے سوا پائی
عشوہ و غمزہ و ادا کی خلش
ضبط کو میرے صبر کو میرے
آزمانے لگی وفا کی خلش
مرض عشق کے مریضوں کو
مار ڈالے گی یہ شفا کی خلش
نہ ملے گا کہیں نشاں اپنا
گر یہی ہے تری جفا کی خلش
دیکھیں انجام عشق کا کیا ہو
ابتدا میں ہے انتہا کی خلش
ہو گئی دم کے بعد رخصت زیست
دیکھ سکتی نہ تھی قضا کی خلش
رگ جاں کٹ گئی مگر مسعودؔ
نہ گئی تیغ آزما کی خلش
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
