dil mein un ko basa ke dekh liya

dil meñ un ko basā ke dekh liyā

aag ghar meñ lagā ke dekh liyā

zindagānī vabāl-e-dosh huī

dil kī bātoñ meñ aa ke dekh liyā

ashk bhar laa.ī haiñ mirī āñkheñ

us ne jab muskurā ke dekh liyā

aur ab kis kā e'tibār kareñ

dil ko apnā banā ke dekh liyā

un kī aadat hai muskurā denā

ham ne aañsū bahā ke dekh liyā

ham ko jaadū kā e'tibār na thā

un se nazreñ milā ke dekh liyā

ġhuncha-e-dil kabhī khilā hī nahīñ

bārhā muskurā ke dekh liyā

iḳhtisār-e-javāb ke qurbāñ

muskurā muskurā ke dekh liyā

kaam aatī nahīñ vafā 'jāmī'

bārhā aazmā ke dekh liyā

dil mein un ko basa ke dekh liya

aag ghar mein laga ke dekh liya

zindagani wabaal-e-dosh hui

dil ki baaton mein aa ke dekh liya

ashk bhar lai hain meri aankhen

us ne jab muskura ke dekh liya

aur ab kis ka e'tibar karen

dil ko apna bana ke dekh liya

un ki aadat hai muskura dena

hum ne aansu baha ke dekh liya

hum ko jadu ka e'tibar na tha

un se nazren mila ke dekh liya

ghuncha-e-dil kabhi khila hi nahin

barha muskura ke dekh liya

iKHtisar-e-jawab ke qurban

muskura muskura ke dekh liya

kaam aati nahin wafa 'jami'

barha aazma ke dekh liya