دل میں اس بت کے پیار کس کا ہے
دل میں اس بت کے پیار کس کا ہے
بے وفا ہے وہ یار کس کا ہے
ہم جتاتے ہیں اعتماد اپنا
پر اسے اعتبار کس کا ہے
سچ بتاؤ مجھے تم اے آنکھو
آج یہ انتظار کس کا ہے
مجھ کو کہتے ہو بد مزاج ہے تو
روٹھ جانا شعار کس کا ہے
رشک آتا ہے مجھ کو لالہ پر
یہ دل داغدار کس کا ہے
بھول بیٹھے ہو کچھ پہن کے اسے
سچ بتاؤ یہ ہار کس کا ہے
تو ہی کہہ عندلیب داغوں سے
سینہ باغ و بہار کس کا ہے
دیکھ تو آ کے اے شکار انداز
تیر یہ دل کے پار کس کا ہے
مر گیا کون تیرے کوچے میں
یاں یہ تازہ مزار کس کا ہے
نامیؔ جاتی ہے ہر قدم پر جان
آہ یہ رہ گزار کس کا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
