dil mein us but ke pyar kis ka hai

dil meñ us but ke pyaar kis kā hai

bevafā hai vo yaar kis kā hai

ham jatāte haiñ e'timād apnā

par use e.atibār kis kā hai

sach batāo mujhe tum ai āñkho

aaj ye intizār kis kā hai

mujh ko kahte ho bad-mizāj hai tū

ruuTh jaanā shi.ār kis kā hai

rashk aatā hai mujh ko laala par

ye dil-e-dāġh-dār kis kā hai

bhuul baiThe ho kuchh pahan ke ise

sach batāo ye haar kis kā hai

tū hī kah andalīb dāġhoñ se

siina bāġh-o-bahār kis kā hai

dekh tū aa ke ai shikār-andāz

tiir ye dil ke paar kis kā hai

mar gayā kaun tere kūche meñ

yaañ ye taaza mazār kis kā hai

'nāmī' jaatī hai har qadam par jaan

aah ye rahguzār kis kā hai

dil mein us but ke pyar kis ka hai

bewafa hai wo yar kis ka hai

hum jatate hain e'timad apna

par use eatibar kis ka hai

sach batao mujhe tum ai aankho

aaj ye intizar kis ka hai

mujh ko kahte ho bad-mizaj hai tu

ruTh jaana shiar kis ka hai

rashk aata hai mujh ko lala par

ye dil-e-dagh-dar kis ka hai

bhul baiThe ho kuchh pahan ke ise

sach batao ye haar kis ka hai

tu hi kah andalib daghon se

sina bagh-o-bahaar kis ka hai

dekh tu aa ke ai shikar-andaz

tir ye dil ke par kis ka hai

mar gaya kaun tere kuche mein

yan ye taza mazar kis ka hai

'nami' jati hai har qadam par jaan

aah ye rahguzar kis ka hai