dil mein wo shor na aankhon mein wo nam rahta hai
dil meñ vo shor na āñkhoñ meñ vo nam rahtā hai
ab tap-e-hijr tavaqqo se bhī kam rahtā hai
kabhī sho.ale se lapakte the mire siine meñ
ab kisī vaqt dhuāñ sā koī dam rahtā hai
kyā ḳhudā jaane mire dil ko huā tere ba.ad
na ḳhushī is meñ Thahartī hai na ġham rahtā hai
rishta-e-tār-e-tamannā nahīñ TuuTā ab tak
ab bhī āñkhoñ meñ tirī zulf kā ḳham rahtā hai
chhoḌ jaatī hai har ik rut koī ḳhushbū koī rañg
na sitam rahtā hai baaqī na karam rahtā hai
dil mein wo shor na aankhon mein wo nam rahta hai
ab tap-e-hijr tawaqqo se bhi kam rahta hai
kabhi shoale se lapakte the mere sine mein
ab kisi waqt dhuan sa koi dam rahta hai
kya KHuda jaane mere dil ko hua tere baad
na KHushi is mein Thaharti hai na gham rahta hai
rishta-e-tar-e-tamanna nahin TuTa ab tak
ab bhi aankhon mein teri zulf ka KHam rahta hai
chhoD jati hai har ek rut koi KHushbu koi rang
na sitam rahta hai baqi na karam rahta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
