dil mera aaj mere pas nahin

dil mirā aaj mere paas nahīñ

mujh meñ kuchh hosh aur havās nahīñ

dil lagāyā jahāñ jafā dekhī

kyā balā ishq mujh ko raas nahīñ

paas hai yaas gard hai dil kī

aur ab koī ās-pās nahīñ

aap to apnā arz kar le haal

dil hameñ tāb-e-iltimās nahīñ

yuuñ ḳhudā chāhe to milā de use

vasl kī par hameñ to aas nahīñ

maiñ bhī kuchh ho gayā huuñ pazhmurda

dil hī merā faqat udaas nahīñ

kyā mile tujh se koī dil-dāda

āshnā.ī kī tujh meñ baas nahīñ

hai ġhafūrur-rahīm terī zaat

sab se hai yaas tujh se yaas nahīñ

ek Dar hai to dost kā mujh ko

dushmanoñ se to kuchh hirās nahīñ

tere ḳhātir ye sab se duur huā

tū bhī tujh ko 'hasan' kā paas nahīñ

dil mera aaj mere pas nahin

mujh mein kuchh hosh aur hawas nahin

dil lagaya jahan jafa dekhi

kya bala ishq mujh ko ras nahin

pas hai yas gard hai dil ki

aur ab koi aas-pas nahin

aap to apna arz kar le haal

dil hamein tab-e-iltimas nahin

yun KHuda chahe to mila de use

wasl ki par hamein to aas nahin

main bhi kuchh ho gaya hun pazhmurda

dil hi mera faqat udas nahin

kya mile tujh se koi dil-dada

aashnai ki tujh mein bas nahin

hai ghafurur-rahim teri zat

sab se hai yas tujh se yas nahin

ek Dar hai to dost ka mujh ko

dushmanon se to kuchh hiras nahin

tere KHatir ye sab se dur hua

tu bhi tujh ko 'hasan' ka pas nahin