dil mera dekh dekh jalta hai

dil mirā dekh dekh jaltā hai

sham' kā kis pe dil pighaltā hai

ham-nashīñ zikr-e-yār kar ki kuchh aaj

is hikāyat se jī bahaltā hai

dil mizha tak pahuñch chukā juuñ ashk

ab sañbhāle se kab sañbhaltā hai

sāqiyā daur kyā kare hai tamām

aap hī ab ye daur chaltā hai

gandumī rang jo hai duniyā meñ

merī chhātī pe muuñg daltā hai

hai tavāzo' zarūr daulat ko

ho hai ḳham jo nihāl phaltā hai

apne 'āshiq kī soḳht par pyāre

kabhū kuchh dil tirā bhī jaltā hai

dekh kaisā patang kī ḳhātir

shola-e-sham.a haath maltā hai

aaj 'qā.em' ke she'r ham ne sune

haañ ik andāz to nikaltā hai

dil mera dekh dekh jalta hai

sham' ka kis pe dil pighalta hai

ham-nashin zikr-e-yar kar ki kuchh aaj

is hikayat se ji bahalta hai

dil mizha tak pahunch chuka jun ashk

ab sanbhaale se kab sanbhalta hai

saqiya daur kya kare hai tamam

aap hi ab ye daur chalta hai

gandumi rang jo hai duniya mein

meri chhati pe mung dalta hai

hai tawazo' zarur daulat ko

ho hai KHam jo nihaal phalta hai

apne 'ashiq ki soKHt par pyare

kabhu kuchh dil tera bhi jalta hai

dekh kaisa patang ki KHatir

shola-e-shama hath malta hai

aaj 'qaem' ke she'r hum ne sune

han ek andaz to nikalta hai