دل مرا ننگ رہا کرتا ہے
دل مرا ننگ رہا کرتا ہے
رنگ بے رنگ رہا کرتا ہے
ہر گھڑی مجھ سے وہ ترک خوں ریز
برسر جنگ رہا کرتا ہے
تجھ سے پوچھیں تو یہ کہنا قاصد
زیست سے تنگ رہا کرتا ہے
اشک باری سے مرا دیدۂ تر
ساحل گنگ رہا کرتا ہے
دیکھ کر تجھ کو بہ چشم حیرت
آئنہ دنگ رہا کرتا ہے
غیر ہم پلہ ہو میرا کیا ذکر
مثل پاسنگ رہا کرتا ہے
غیر سے غیر ہوئے صورت بزم
اور ہی رنگ رہا کرتا ہے
دوست ہو یا کہ عدو ہو صابرؔ
سب سے یک رنگ رہا کرتا ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
