dil mera nang raha karta hai

dil mirā nang rahā kartā hai

rang be-rang rahā kartā hai

har ghaḌī mujh se vo turk-e-ḳhūñrez

barsar-e-jang rahā kartā hai

tujh se pūchheñ to ye kahnā qāsid

ziist se tang rahā kartā hai

ashk-bārī se mirā dīda-e-tar

sāhil-e-gang rahā kartā hai

dekh kar tujh ko ba-chashm-e-hairat

aa.ina dang rahā kartā hai

ġhair ham-palla ho merā kyā zikr

misl-e-pāsang rahā kartā hai

ġhair se ġhair hue sūrat-e-bazm

aur hī rang rahā kartā hai

dost ho yā ki adū ho 'sābir'

sab se yak-rang rahā kartā hai

dil mera nang raha karta hai

rang be-rang raha karta hai

har ghaDi mujh se wo turk-e-KHunrez

barsar-e-jang raha karta hai

tujh se puchhen to ye kahna qasid

zist se tang raha karta hai

ashk-bari se mera dida-e-tar

sahil-e-gang raha karta hai

dekh kar tujh ko ba-chashm-e-hairat

aaina dang raha karta hai

ghair ham-palla ho mera kya zikr

misl-e-pasang raha karta hai

ghair se ghair hue surat-e-bazm

aur hi rang raha karta hai

dost ho ya ki adu ho 'sabir'

sab se yak-rang raha karta hai