dil mera raqsan hai jab se aql is shorish mein hai

dil mirā raqsāñ hai jab se aql is shorish meñ hai

larzish-e-pā āsmāñ yā ye jahāñ larzish meñ hai

aaj se pahle zamīñ kī chaal to aisī na thī

tum zarā raftār dekho kis qadar gardish meñ hai

Thiik hai tujh ko milā hai mujh ko bhaTkāne kā kaam

ye magar kyā tū to har dam dāvat-e-laġhzish meñ hai

kis qadar phir ek ho jāveñ zamīn-o-āsmāñ

ham zamīn-o-āsmāñ vaale isī sāzish meñ haiñ

muntazir haiñ tishna-lab ye kausar-o-tasnīm kā

ek zanjīr-e-kashish bhī sāqi-e-mehvash meñ hai

dil mera raqsan hai jab se aql is shorish mein hai

larzish-e-pa aasman ya ye jahan larzish mein hai

aaj se pahle zamin ki chaal to aisi na thi

tum zara raftar dekho kis qadar gardish mein hai

Thik hai tujh ko mila hai mujh ko bhaTkane ka kaam

ye magar kya tu to har dam dawat-e-laghzish mein hai

kis qadar phir ek ho jawen zamin-o-asman

hum zamin-o-asman wale isi sazish mein hain

muntazir hain tishna-lab ye kausar-o-tasnim ka

ek zanjir-e-kashish bhi saqi-e-mehwash mein hai