دل مٹے پیار کی اپیلوں پر
دل مٹے پیار کی اپیلوں پر
تہمتیں لگ گئیں قبیلوں پر
قافلوں کی کتھا کتابوں میں
فاصلوں کی صدا فصیلوں پر
بھیج سکھیوں کے ہاتھ مت سندیس
یوں بھروسہ نہ کر وکیلوں پر
سیب چہکار جنگلی چڑیاں
رات وادی میں چاند جھیلوں پر
اور جی کو پیا ملن کے جتن
اور پریتم کا گاؤں میلوں پر
کھیلنا چن کے سیپیاں سکے
بھیگنا بارشوں میں ٹیلوں پر
من کی رسوائیاں سبیلوں سے
تن کی تنہائیاں دلیلوں پر
جھولیں ندیاں انہیں نواحوں میں
پھولیں صدیاں انہیں فصیلوں پر
دل کے سمبندھ دل کی گرہوں سے
اون سیلوں میں گوٹ ریلوں پر
- کتاب : Ban Baas (Pg. 321)
- Author : Naasir Shahzaad
- مطبع : Alhamd Publications (2004)
- اشاعت : 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
