dil mubtala-e-hijr rifaqat mein rah gaya

dil mubtalā-e-hijr rifāqat meñ rah gayā

lagtā hai koī farq mohabbat meñ rah gayā

is ghar ke do makīn the ik peḌ aur maiñ

ye hijr to kisī kī sharārat meñ rah gayā

ik baar man.a kartī huī shaam se to pūchh

jo bhī judā huā vo haqīqat meñ rah gayā

mumkin thā tujh ko chhīn hī letā jahān se

lekin maiñ kyā karūñ maiñ mohabbat meñ rah gayā

ab tū hī merī ḳhālī hathelī kī laaj rakh

mujh se to koī farq ibādat meñ rah gayā

tujh par hai koī zo.am na ḳhud par yaqīñ 'nadīm'

kuchh din kā ham meñ pyaar to aadat meñ rah gayā

dil mubtala-e-hijr rifaqat mein rah gaya

lagta hai koi farq mohabbat mein rah gaya

is ghar ke do makin the ek peD aur main

ye hijr to kisi ki shararat mein rah gaya

ek bar mana karti hui sham se to puchh

jo bhi juda hua wo haqiqat mein rah gaya

mumkin tha tujh ko chhin hi leta jahan se

lekin main kya karun main mohabbat mein rah gaya

ab tu hi meri KHali hatheli ki laj rakh

mujh se to koi farq ibaadat mein rah gaya

tujh par hai koi zoam na KHud par yaqin 'nadim'

kuchh din ka hum mein pyar to aadat mein rah gaya