dil mujhe samjhata hai to dil ko samjhata hun main

dil mujhe samjhātā hai to dil ko samjhātā huuñ maiñ

jaane kaise aql kī bātoñ meñ aa jaatā huuñ maiñ

din mujhe har din banā letā hai apnā yarġhamāl

raat jab aatī hai to ḳhud ko chhuḌā laatā huuñ maiñ

koī jhūTā va.ada bhī kartā nahīñ hai vo kabhī

ḳhud umīdeñ bāñdh letā huuñ bahal jaatā huuñ maiñ

zinda rahne kā mujhe fan aaj tak aayā nahīñ

phir bhī jiinā chāhtā huuñ kyā ġhazab Dhātā huuñ maiñ

Daal kar āñkhoñ meñ āñkheñ karnī hai kuchh guftugū

zindagī ai zindagī to ruk abhī aatā huuñ maiñ

maiñ ne dariyā ke havāle kar diyā hai tan-badan

maujoñ kī rau meñ ḳhamoshī se bahā jaatā huuñ maiñ

ab na aa.egā mire sheroñ meñ terā tazkira

ai mirī jān-e-ġhazal terī qasam khātā huuñ maiñ

shiddat-e-ġham hī ilāj-e-ġham bhī hotā hai 'kamāl'

baḌhtī haiñ tārīkiyāñ to raushnī paatā huuñ maiñ

dil mujhe samjhata hai to dil ko samjhata hun main

jaane kaise aql ki baaton mein aa jata hun main

din mujhe har din bana leta hai apna yarghamal

raat jab aati hai to KHud ko chhuDa lata hun main

koi jhuTa wada bhi karta nahin hai wo kabhi

KHud umiden bandh leta hun bahal jata hun main

zinda rahne ka mujhe fan aaj tak aaya nahin

phir bhi jina chahta hun kya ghazab Dhata hun main

Dal kar aankhon mein aankhen karni hai kuchh guftugu

zindagi ai zindagi to ruk abhi aata hun main

main ne dariya ke hawale kar diya hai tan-badan

maujon ki rau mein KHamoshi se baha jata hun main

ab na aaega mere sheron mein tera tazkira

ai meri jaan-e-ghazal teri qasam khata hun main

shiddat-e-gham hi ilaj-e-gham bhi hota hai 'kamal'

baDhti hain tarikiyan to raushni pata hun main