dil na de sath to gham kaise saha jaega

dil na de saath to ġham kaise sahā jā.egā

ki usī ghar meñ ye sailāb-e-balā jā.egā

ik musāfir hai vo us kī koī manzil hī nahīñ

jis taraf bhī qadam uTTheñge chalā jā.egā

maiñ to is jabr-e-musalsal meñ bhī lab-basta nahīñ

yuuñ samajh le tirā har tiir ḳhatā jā.egā

barf pighlegī to mausam bhī badal jā.eñge

pau phaTegī to ujālā nazar aa jā.egā

lamha lamha mire hone kī gavāhī degā

patte patte pe mirā naam likhā jā.egā

ruuh kā zaḳhm hai is par koī marham na lagā

zahr phailegā to nas nas meñ samā jā.egā

dil na de sath to gham kaise saha jaega

ki usi ghar mein ye sailab-e-bala jaega

ek musafir hai wo us ki koi manzil hi nahin

jis taraf bhi qadam uTThenge chala jaega

main to is jabr-e-musalsal mein bhi lab-basta nahin

yun samajh le tera har tir KHata jaega

barf pighlegi to mausam bhi badal jaenge

pau phaTegi to ujala nazar aa jaega

lamha lamha mere hone ki gawahi dega

patte patte pe mera nam likha jaega

ruh ka zaKHm hai is par koi marham na laga

zahr phailega to nas nas mein sama jaega