dil nahin hai to justuju bhi nahin

dil nahīñ hai to justujū bhī nahīñ

ab koī shahr-e-ārzū bhī nahīñ

ishq āzād hai kashākash se

nāma-bar bhī nahīñ adū bhī nahīñ

hāl-o-ahvāl kuchh nahīñ mālūm

ek muddat se guftugū bhī nahīñ

har havāla na.ī kitāb se hai

koī aizan koī hamū bhī nahīñ

mehrbāñ hai to apne matlab se

varna vo aisā narm-ḳhū bhī nahīñ

ab bas āñkhoñ se dil nikal aa.e

ashk bhī ḳhushk haiñ lahū bhī nahīñ

haq-o-bātil kī baat hī kyā hai

teġh ko haibat-e-gulū bhī nahīñ

āḳhir-e-kār kuchh to TūTegā

shart-e-tauba bhī hai subū bhī nahīñ

dil nahin hai to justuju bhi nahin

ab koi shahr-e-arzu bhi nahin

ishq aazad hai kashakash se

nama-bar bhi nahin adu bhi nahin

haal-o-ahwal kuchh nahin malum

ek muddat se guftugu bhi nahin

har hawala nai kitab se hai

koi aizan koi hamu bhi nahin

mehrban hai to apne matlab se

warna wo aisa narm-KHu bhi nahin

ab bas aankhon se dil nikal aae

ashk bhi KHushk hain lahu bhi nahin

haq-o-baatil ki baat hi kya hai

tegh ko haibat-e-gulu bhi nahin

aaKHir-e-kar kuchh to TuTega

shart-e-tauba bhi hai subu bhi nahin