dil nahin khinchta hai bin majnun bayaban ki taraf

dil nahīñ khiñchtā hai bin majnūñ bayābāñ kī taraf

ḳhush nahīñ aatā nazar karnā ġhazālāñ kī taraf

fasl-e-gul kī ham asīroñ ko ḳhabar kab hai vale

in dinoñ meñ shor sā kuchh hai gulistāñ kī taraf

aag kī mujh ko lagī hai pyaas ye kyūñkar bujhe

kyūñki dekhūñ sair us ḳhurshīd-e-tābāñ kī taraf

is havā meñ rahm kar saaqī ki be-jām-e-sharāb

dekh kar chhātī bharī aatī hai bārāñ kī taraf

sehr ke Dore jo sunte the so ab dekhe 'yaqīñ'

dil khiñchā jaatā hai us zulf-e-pareshāñ kī taraf

dil nahin khinchta hai bin majnun bayaban ki taraf

KHush nahin aata nazar karna ghazalan ki taraf

fasl-e-gul ki hum asiron ko KHabar kab hai wale

in dinon mein shor sa kuchh hai gulistan ki taraf

aag ki mujh ko lagi hai pyas ye kyunkar bujhe

kyunki dekhun sair us KHurshid-e-taban ki taraf

is hawa mein rahm kar saqi ki be-jam-e-sharab

dekh kar chhati bhari aati hai baran ki taraf

sehr ke Dore jo sunte the so ab dekhe 'yaqin'

dil khincha jata hai us zulf-e-pareshan ki taraf