dil ne chaha tha ki ho aabla-pai ruKHsat

dil ne chāhā thā ki ho ābla-pā.ī ruḳhsat

zindagī de ke huī sho.ala-fishānī ruḳhsat

tum ne jab sham.a bujhā.ī to samajh meñ aayā

ek mauhūm sā rishta thā so vo bhī ruḳhsat

maiñ udāsī sar-e-bāzār bhī lā.ūñ aise

jaise paanī kī tamannā meñ ho kashtī ruḳhsat

mere isrār pe maujūd thā ghar pe lekin

us ne ḳhāmosh libāsī meñ likhī thī ruḳhsat

terī tā.īd kī tasvīr se jī uTThe the

nahīñ ma.alūm thā ye ret hai paanī ruḳhsat

maiñ havāla tirī tahrīr kā kis naam se duuñ

mujh se tū maañg chukā harf-e-ta.allī ruḳhsat

dil ne chaha tha ki ho aabla-pai ruKHsat

zindagi de ke hui shoala-fishani ruKHsat

tum ne jab shama bujhai to samajh mein aaya

ek mauhum sa rishta tha so wo bhi ruKHsat

main udasi sar-e-bazar bhi laun aise

jaise pani ki tamanna mein ho kashti ruKHsat

mere israr pe maujud tha ghar pe lekin

us ne KHamosh libasi mein likhi thi ruKHsat

teri taid ki taswir se ji uTThe the

nahin malum tha ye ret hai pani ruKHsat

main hawala teri tahrir ka kis nam se dun

mujh se tu mang chuka harf-e-talli ruKHsat