dil ne jab se ye choT khai hai

dil ne jab se ye choT khaa.ī hai

zindagī ḳhaak meñ nahā.ī hai

jab bhī apnī use sunā.ī hai

us ne to bas hañsī uḌaa.ī hai

ḳhushiyoñ ke phuul khil uThe man meñ

rut milan kī bahār laa.ī hai

maiñ jise chaah ke miTā na sakūñ

dil meñ ḳhvāhish ajab samā.ī hai

bhīgī rahtī haiñ ab mirī āñkheñ

dard kī in dinoñ rasā.ī hai

aise milnā bhī koī milnā hai

jis kā anjām hī judā.ī hai

jo ke miltī hai muskurā ke bahut

sab se kartī vahī burā.ī hai

jaan de kar bhī kuchh nahīñ hāsil

us ne karnī hī bevafā.ī hai

nahīñ sāthī koī 'shagufta' kā

ik faqat tujh se āshnā.ī hai

dil ne jab se ye choT khai hai

zindagi KHak mein nahai hai

jab bhi apni use sunai hai

us ne to bas hansi uDai hai

KHushiyon ke phul khil uThe man mein

rut milan ki bahaar lai hai

main jise chah ke miTa na sakun

dil mein KHwahish ajab samai hai

bhigi rahti hain ab meri aankhen

dard ki in dinon rasai hai

aise milna bhi koi milna hai

jis ka anjam hi judai hai

jo ke milti hai muskura ke bahut

sab se karti wahi burai hai

jaan de kar bhi kuchh nahin hasil

us ne karni hi bewafai hai

nahin sathi koi 'shagufta' ka

ek faqat tujh se aashnai hai