dil-o-din kho ke koi yas ki duniya na bane

dil-o-dīñ kho ke koī yaas kī duniyā na bane

na bane but ye ḳhudā bhī hoñ to bandā na bane

dard ho is dil-e-sañgīñ meñ to hiirā na bane

pāras aahan ko jo chhū jaa.e to sonā na bane

rah gayā khiñch ke tirā ek hī naqsha zālim

qudrat ab chāhe banānā bhī to tujh sā na bane

ḳhud hī paiġhām ham apnā unheñ pahuñchā.eñge

kaam mushkil hai ye qāsid se bane yā na bane

jaan denā hai mohabbat meñ diye detā huuñ

qabr merī tire kūche meñ bane yā na bane

ḳhaak kar de na kahīñ barq-e-jamāl ai 'shā.eq'

merī hastī se kaho biich meñ parvāna bane

dil-o-din kho ke koi yas ki duniya na bane

na bane but ye KHuda bhi hon to banda na bane

dard ho is dil-e-sangin mein to hira na bane

paras aahan ko jo chhu jae to sona na bane

rah gaya khinch ke tera ek hi naqsha zalim

qudrat ab chahe banana bhi to tujh sa na bane

KHud hi paigham hum apna unhen pahunchaenge

kaam mushkil hai ye qasid se bane ya na bane

jaan dena hai mohabbat mein diye deta hun

qabr meri tere kuche mein bane ya na bane

KHak kar de na kahin barq-e-jamal ai 'shaeq'

meri hasti se kaho bich mein parwana bane