dil-o-jaan hum nisar karte hain

dil-o-jāñ ham nisār karte haiñ

vo nigāhoñ se vaar karte haiñ

hāl-e-dil jab unheñ sunātā huuñ

aañkh vo ashk-bār karte haiñ

ham ne un se kabhī gila na kiyā

vo to shikve hazār karte haiñ

aa bhī jaao ki tāb-e-zabt nahīñ

har ghaḌī intizār karte haiñ

aañkh un se laḌī hai jab 'aḳhtar'

gul-o-bulbul sā pyaar karte haiñ

dil-o-jaan hum nisar karte hain

wo nigahon se war karte hain

haal-e-dil jab unhen sunata hun

aankh wo ashk-bar karte hain

hum ne un se kabhi gila na kiya

wo to shikwe hazar karte hain

aa bhi jao ki tab-e-zabt nahin

har ghaDi intizar karte hain

aankh un se laDi hai jab 'aKHtar'

gul-o-bulbul sa pyar karte hain