dil par sitam hazar kare bewafa ke lab

dil par sitam hazār kare bevafā ke lab

barchhī kabhī kaTār lage dilrubā ke lab

guft-o-shunīd meñ baḌe bebāk haiñ magar

dekhā mujhe to khul na sake lab-kushā ke lab

guftār-o-ān-bān kā aalam na pūchhiye

ḳhush-rañg-o-jāñ-fazā haiñ mire ham-navā ke lab

ho jaa.e pal meñ ḳhaak vo jis ko ye chuum leñ

jalte hue sharāre haiñ jān-e-adā ke lab

bosa liyā to husn ne sharmā ke yuuñ kahā

raushan kiye haiñ aap ne mehr-o-vafā ke lab

ma.asūmiyat to dekhiye ba.ad-e-shab-e-zifāf

ma.ashūq shikva-sanj huā hai dikhā ke lab

bāġhoñ se ham jo guzre to phūloñ ne dī sadā

kitne hasīñ haiñ 'shād' tirī dilrubā ke lab

dil par sitam hazar kare bewafa ke lab

barchhi kabhi kaTar lage dilruba ke lab

guft-o-shunid mein baDe bebak hain magar

dekha mujhe to khul na sake lab-kusha ke lab

guftar-o-an-ban ka aalam na puchhiye

KHush-rang-o-jaan-faza hain mere ham-nawa ke lab

ho jae pal mein KHak wo jis ko ye chum len

jalte hue sharare hain jaan-e-ada ke lab

bosa liya to husn ne sharma ke yun kaha

raushan kiye hain aap ne mehr-o-wafa ke lab

masumiyat to dekhiye baad-e-shab-e-zifaf

mashuq shikwa-sanj hua hai dikha ke lab

baghon se hum jo guzre to phulon ne di sada

kitne hasin hain 'shad' teri dilruba ke lab