dil pareshan mera gardish-e-haalat se hai

dil pareshān mirā gardish-e-hālāt se hai

ek ummīd bahar-hāl tirī zaat se hai

kab zamāne se bhalā daad talab kī maiñ ne

kam se kam tum ko sukūñ to mire naġhmāt se hai

mujh ko duniyā kī tavajjoh kī zarūrat kyā hai

tū to āgāh ilāhī mire hālāt se hai

ab mujhe terī judā.ī kā koī ranj nahīñ

haañ magar thoḌā gila apne hī hālāt se hai

kyā karūñ tujh se bichhaḌ kar maiñ kahāñ jā.uñgā

merī sāñsoñ meñ ramaq tere javābāt se hai

apne dushman ko bhī dushman nahīñ samjhā maiñ ne

zindagī tū bhī to vāqif mire hālāt se hai

kaun huuñ kyā huuñ haqīqat mirī kyā hai 'afsar'

vāsta aap ko bhī aise savālāt se hai

dil pareshan mera gardish-e-haalat se hai

ek ummid bahar-haal teri zat se hai

kab zamane se bhala dad talab ki main ne

kam se kam tum ko sukun to mere naghmat se hai

mujh ko duniya ki tawajjoh ki zarurat kya hai

tu to aagah ilahi mere haalat se hai

ab mujhe teri judai ka koi ranj nahin

han magar thoDa gila apne hi haalat se hai

kya karun tujh se bichhaD kar main kahan jaunga

meri sanson mein ramaq tere jawabaat se hai

apne dushman ko bhi dushman nahin samjha main ne

zindagi tu bhi to waqif mere haalat se hai

kaun hun kya hun haqiqat meri kya hai 'afsar'

wasta aap ko bhi aise sawalat se hai