dil pe giran hai zikr-e-firaq-o-visal bhi

dil pe girāñ hai zikr-e-firāq-o-visāl bhī

guzre haiñ tere baad ka.ī māh-o-sāl bhī

tark-e-ta.alluqāt pe nādim hai vo bahut

auroñ se pūchhtā hai vo ab merā haal bhī

nākām ishq zinda-e-jāved ho ga.e

tārīḳh-e-ishq detī hai aisī misāl bhī

kyā ishq mere daur meñ nāpaid ho gayā

aatā hai gāhe-gāhe ye dil meñ ḳhayāl bhī

dil phir kisī kī yaad se ghabrā gayā 'ġhazal'

lagtī hai aaj mujh ko tabī.at niDhāl bhī

dil pe giran hai zikr-e-firaq-o-visal bhi

guzre hain tere baad kai mah-o-sal bhi

tark-e-talluqat pe nadim hai wo bahut

auron se puchhta hai wo ab mera haal bhi

nakaam ishq zinda-e-jawed ho gae

tariKH-e-ishq deti hai aisi misal bhi

kya ishq mere daur mein napaid ho gaya

aata hai gahe-gahe ye dil mein KHayal bhi

dil phir kisi ki yaad se ghabra gaya 'ghazal'

lagti hai aaj mujh ko tabiat niDhaal bhi